Overblog Suivre ce blog
Administration Créer mon blog

Esplori

9 décembre 2007 7 09 /12 /décembre /2007 11:46

Mardon posttagmeze. Mi decidis iri enurben.. Do, trame.. Jen, halte sindemandas mi : Ĉu la librovendejo situas dekstre aŭ­ maldekstre ? .. Tamen, mi jam iris plurfoje.. Do, dekstren. Iras en pluraj malgrandaj stratoj. Devus aperi tiu placo kaj tiu impona konstruaĵo... Ne ?.. Do, jen tramo.. Mi iru do maldekstren. Alvenas en la haltejo kiun mi antaŭ­e atingis, unue.. Nur rigardi iomete maldekstren... Ja! ege ĝi imponas, tuj videbla. Kial do mi ne rigardis al tiu direkto ?

!! Do. eniri la vendejon, ene promeneti,  aĉeti..

Hejmen ree.. En tram multaj personoj. Mi vojaĝas stare, legetas, foliumas.. Mi ĝuas trankvile tiujn paĝojn..

Kaj jen! bremsego, senaverta, abrupta. Mi falegas.. UJ!! Maldolĉe, Dolorige! mi falis sur brakopogilo metala de seĝo, dorse. Dolorego min kaptas. Ĉirkaŭ­e, homoj demandas : "Ĉu bone ?".. Mi frotas la ripojn, dorse, bruste..

"Nenieto.. Nenio rompiĝis" mi diras.. Sur la seĝo kie mi vundiĝis junulo plu silentas. Aŭ­diloj ŝtopas la orelojn. Ĉu li bonvolos....

Mi babilas kun la ĉirkaŭantoj.."Ba ! Ne gravas, mi ne eligis la kriegon!". Vidu do mian legaĵon :

"Eta laŭ­do al mildeco"

Kaj ni ridas kune.

 

Repost 0
Published by Ivo la senmemora - dans memorujo
commenter cet article
9 décembre 2007 7 09 /12 /décembre /2007 11:25

Hontu mi! Matene, dimanĉe, la duan dimanĉon de la monato... Kaj.. ne partoprenas la monatan kunvenon..

Jes ja, senkulpige, tiuj doloroj ripaj, pro tiu entrama falo.. Jes, dolorige paŝi, pli bone senmove ĝui bonan libron..

Hontu mi.. Ĉu pluvivos tiu grupo.. Tamen, urbo vasta, multhoma, vivoplena.. Kaj.. Tamen.. Mi ja skribis iam pri la festo de la lingvoj, en kiu mi defendis, kun aliaj grupanoj, la karan lingvon.

Kiom plaĉe, kontraste, legi tiun estimatan aikawa setuko -n, en Japanio. En bela lingvo, kvietaj vortoj, ŝi parolas pri la agoj de ?ia grupo.

.. Jen, promene, franclingve, verdalingve, ĝui paĝojn komputile. Tajpumi.

Repost 0
Published by Ivo la senmemora - dans memorujo
commenter cet article
1 décembre 2007 6 01 /12 /décembre /2007 17:28

 

Hieraŭ, kaj pasintan merkredon..  Preskaŭ 4 horoj da esploroj, testoj, pri memorkapablo.. El tio, vi eliĝas lacega..

Eble, post tiuj provoj, okazos laborgrupoj por plibonigo de la memoro.. Pri tio, mi pli poste aldonos.. Nun, laceco.. Krome, post 2 semajnoj, fino de tiuj esploroj.. Do, ree, lacigo..

Mi rakontos la tuton..

ĝis!

Repost 0
Published by Ivo la senmemora - dans memorujo
commenter cet article
10 novembre 2007 6 10 /11 /novembre /2007 10:08
Matene, survoje... Jen, ne tre fore, tutmonde konata "Le Corbusier"aĵo.. : La maison radieuse. "La radianta domo".. Mi vidas ĝin,piedire al la tramo, kelkofe proksimas tree al ĝi. Eble eniris. Laŭe irante la flueton "jaguere" mi povus atingi  ĝin, post dekkelkaj minutoj...




(tiuj fotaĵo estas mia) Mi klopodos fari pli bone..

Kaj... , por la memoro...

en Nantes, la tripieda konstruaĵo en kiu mi laboris dum preskaŭ dudek jaroj
: "Le tripode .. (=la tripiedulo) .. Atentu tiuj fotaĵoj ne estas miaj, sed Wikipedia  !   (Mi klopodos aldoni la E. tradukon )

Antaŭe :
http://upload.wikimedia.org/wikipedia/commons/d/db/Tripode-1.jpg


 

Detruo ! pro asbesto..   http://upload.wikimedia.org/wikipedia/commons/d/db/Tripode-2.jpg



 
... tuj poste  http://upload.wikimedia.org/wikipedia/commons/d/db/Tripode-3.jpg





Jen.. Same niaj vivoj..
Repost 0
Published by Ivo la senmemora - dans memorujo
commenter cet article
7 octobre 2007 7 07 /10 /octobre /2007 10:57

El la lingvo, festeni. Ĝui vortojn ellasitajn, elverŝi vunditan animon, ellasi ĝojoplenan vivon. El la sperto enkorpa, enmensa, iufoja aŭ ĉiutaga liveri en alian menson vortojn kiuj retrovos novan vivon... El tiu bilda paperaĵo, iu, refluse, reflue trovos viverojn.

Jen, eble, mia tasko bloga. Pro tio mi ne tiel ofte el-donas. Jen adoleske, tamen plenaĝulo, mi liveras taglibron...

Hieraŭ grupiĝis suferantoj pro epilepsio. Ĉirkaŭ psikologiistino ni parolas. Ĉiu rajtas paroli, sentime. Kaj ankaŭ, ĉiuj, ni aŭdas la sperton de alia persono. Oftege, revene, ni parolas pri tio : malforta memoro, perditaj spertoj, malfacileco enkapigi nomon de proksimulo. Refoje ni demandas pri tute proksima sperto. Hieraŭ min kaptis du kriegoj, abrupte. Tamen, antaŭe estis tiu streĉiteco.

Eble tion mi jam diris al vi. Aŭdacu : mesaĝu :"Ej, vi, ci jam elverŝis. Ja sufiĉas. Parolu al mi pri io alia : birdoj, foraj sunoj, esperantaĵoj."

Repost 0
Published by Ivo la senmemora - dans memorujo
commenter cet article
17 juin 2007 7 17 /06 /juin /2007 10:32

Hieraŭ, en Nantes, lingvofesto. La sepa...

En tiu-ĉi, estas prezentataj multaj lingvoj. Apud Esperanto estis afrikaj lingvoj, fronte estis la fingrolingvo de  surdmutuloj (Bedaûrinde, ŝajne, ne ekzistas internacia signaro, sed mi ne povis demandi).. Mi povis viziti la japanan, scivoli pri centramerikaj lingvoj...

Tiu-ĉi festo montras kiom riĉaj estas la metodoj por interrilati, kiom inventemaj estas homoj en diversaj regionoj de la mondo..

En tiu-ĉi ni povis paroli, klarigi, montri ke Eo ja ekzistas, ke parolas ĝin pli da personoj ol parolantoj de multaj preskaŭmortaj lingvoj.. Eo ja ne celas forigi, tion ni montris. Eo estas ilo kroma, ilo kiu celas liberigi ĉiujn..

Se iam ĝi celus esti unusola lingvo, tiam mi forkurus kaj forbrulus tion, kion mi iam amis.

Repost 0
Published by Ivo la senmemora - dans memorujo
commenter cet article
13 mai 2007 7 13 /05 /mai /2007 13:04

Taglibro de nesenpena verdetulo.

Ĉeestis.. Duonvekite, duonkviete, duone kvita pro la iamaj forgesoj.. Mi ĉeestis la monatan kunvenon de la Esperanto-grupo..

Ĉu la ĝusta tago, ĉu pordo malfermita ? Do, pordo malfermita, bone. Ĉu homoj? Jen, aŭtoj estas.. Glumarkoj sure. Bonege.

Kiom da ? Ĉu 5, apenaŭ ? Kutimuloj ĉeestas. Ĉu iam juniĝos ni? France paroli! Hontu ni. Tion ni faris! Balbutaĉis esperantlingve, kelkfoje.

Ĉu plu okazu la kunveno.. Tamen, jen, alvenas nova kapo. Bone. Kuraĝa ŝi estas, ĉar ŝi aspektas ja malsana. Tamen, dankon al ŝi. Ĉu la plenviva amikino alvenos.. Jen, jen!!  Bonege! la tabulo pleniĝas per projektoj, adresoj, tagoj, kunventagoj, iamaj plenumitaj aferoj de post la antaŭa kunveno. Ni parolas pri tiuj projektoj, tiu "Festo de la lingvoj" en la urbo...

Trankvile iam Esperanto, paŝon post paŝo, ne abrupte, ne per altaj decidoj politikaj, sed tra agoj minimumaj de iuj, vortoj pace diritaj al iu, per "Kial ne ? tio ne kostas.. La risko estas nula..", per Interretaj interŝanĝoj, mesaĝoj, duvortaj blogaĵoj, modestaj paroletoj, mallertaj eldiroj.. Diru ni "Ni ne fidu politikajn decidantojn.. Ni fidu ĉiutagajn uzetojn de homoj, de lando al lando, super landlimoj, super oceanoj... Tiu ĉiutaga uzeto, multfoje ripetata pli pezas ol truda leĝo". Diru ni: "Esperanto, nia lingvo, unu el niaj lingvoj, bonegas ĉar ni elektis ĝin libere, ĉar ĝi efikas liberige..Kio gravas en Eo estas LIBERECO. krom tio, kial do ni lernu ĝin ? Libereco, ĉar dank'al ĝi mi povas pace interŝanĝi liberigajn vortojn ĉie en la mondo.

Tiom valoras traduki tiujn dupaĝajn informfaldaĵojn kiom multpaĝajn valoregajn literaturaĵojn. Tiom valoras memvola lernado kiom lerneja tedado...Pli bone memvole lerni kaj uzi plu, ol deve lerni kaj forgesi. Kiel trovi la taŭgan vojon. Ĉiuj vojoj taŭgas.

Repost 0
Published by Ivo la senmemora - dans memorujo
commenter cet article
22 avril 2007 7 22 /04 /avril /2007 18:20

Revene, ripoze, meze de la rubmesaĝoj, salutoj...

En la antaŭ-antaŭ pasinta semajno mi restadis en Andaluzio, de loko al loko, kune kun edzino kaj pli juna filino, 10jara.

Senvoĉe admiri Cordoba'n.. Ene de la Mezquita, meze de la kvazaŭ arbara vicoj de kolumnoj, duone plorema pro la beleco., subpluve en Granada promeneti, en la urbo, apenaŭ ĝui, pro la vetero, la ĝardenojn de Alhambra.. Ene de la konstruaĵo ellasi krion... Rapidege pasi de loko al loko, la filineto deziregas trovi necesejon, ne eltenas, trovi eliron  kune kun la patrino..

La unuan fojon mi vojaĝis aviade! Mi ja ne konis ĉion pri tiuj aferoj administraj. Al la aviadilo, ire kaj revene, tiu bruego en la haloj, tiu policaĉa atmosfero enen : korpa palpado por la iro, de Nantes al Malaga.. Poste, kelkajn minutojn poste, kriego mia.. Denove, en la aviadilo, irante al la sidloko, du krioj.. Certe tio saltigis iujn sur la seĝoj ! Same revene... Do, la aviadilo ne deflugas je la antaŭanoncita horo. Atendi.. Ene, side, la signaloj ekprenas la kapon.. Pacienci iomete, tio finiĝos tre baldaŭ.. Jen, mi kredas min kvieta.. Kriego.. Same,poste, alia kriego..

Vendredon, la 13an de aprilo, en Malaga, la naskiĝ-datreveno... Mi iĝis 50jara.. Iom da grizaj haroj, tiu dolora perdo de memoro rilate al la proksimume 10jaroj antaŭ mia malsaniĝo en la 2002a.. tiu memorkapablo, ribelema, ne tre kapabla enpreni novajn eventojn de mia ĉiutaga vivo. Esperinde mi ne forgesos tiun belan vojaĝon..

Revene, ripoze, hodiaŭ, ferii por senlaciĝi.. iomete ordigi la domon.. Mi lasis ĝin al la du pli aĝaj filoj..  Morgaŭ?

Morgaŭ, kolegoj, demandoj pri la semajno, montri fotojn.

Kiel eble plej baldaŭ mi aldonos iujn fotojn..

Repost 0
Published by Ivo la senmemora - dans memorujo
commenter cet article
22 avril 2007 7 22 /04 /avril /2007 17:54

 

En tiu ĉi konstruaĵo mi laboris dum dekkelkaj jaroj...ekde la 1984 ĝis la fermo. 

Oni nomis ĝin : "Le tripode", tio signifas : "kiu havas tri piedojn"..

http://img.photobucket.com/albums/v315/Aguirre44/tripode11.jpg

Komence de la 199dekkelkaj jaroj, montriĝis inter la prizorgantoj de tiu konstruaĵo pluraj asbesto-malsanoj... Kaj tro fruaj mortoj... 

Pro tio, ni, ne rekte proksimaj al la danĝera asbesto, translokiĝis al diversaj aliaj.. , antaŭ dek jaroj proksimume.., fine de la naŭdekaj.

Post forigo de la asbesto per protektitaj laboristoj, estis decidite ĝin detrui...

Por vidi la detruon : 

Estis multegaj personoj por vidi la eksplodon kaj faligon.. ĝi defalis unue inter la tri branĉoj kiuj poste  falis internen.. sed vidu mem (paciencetu, estas kvazaŭ filmeto) : http://commons.wikimedia.org/wiki/Image:Destruction_du_Tripode.gif

(daŭris eble iom pli longe sed tiu filmeto estas sinsekvo de bildoj).

Estis multegaj personoj por vidi la eksplodon kaj faligon.. ĝi defalis unue inter la tri branĉoj kiuj poste  falis internen... Mi ĉeestis, kune kun la tuta familio. Ni estis sur la bordo de la rivero Loire.. (Tiu konstruaĵo situis sur la insulo : Beaulieu) en Nantes.

Nun, ni, kiuj laboris en la oficejoj (ne ene de la internaj, protektaj, purigaj koridoretoj..) batalas ankaŭ por medicina kontrolado senpaga, kaj avantaĝoj monaj kaze de asbestozo.

 

Repost 0
Published by Ivo la senmemora - dans memorujo
commenter cet article
26 mars 2007 1 26 /03 /mars /2007 21:17

 

Ĉu mistajpado, tromusado, paralizo! Mia antaŭa tajpaĵo pri setuko aperis ripete 40foje en la listo de miaj artikoloj!

Mi unu post unu forigis, konfirmis klave..  Kaj jen, ankaŭ ĉi-tiun artikolo "Balbute ripete" ripetiĝas. Misteroj! Do, dekfoje, ree, mi musumis kaj klavis..  Ja informadiko ekzistas por faciligi la vivon, ĉu ne ?

Repost 0
Published by Ivo la senmemora - dans memorujo
commenter cet article

Plej ĵusaj Paĝoj